DAR ES SALAAM - Zviremera zveTanzania zvakaona mitumbi gumi nemitatu inofungidzirwa kuti ndeyendege yeYemeni yakadonhera mugungwa kubva kuIndian Ocean zvitsuwa zveComoros svondo rapfuura, mumwe mukuru akadaro neChipiri.
"Tine gwaro rakabva kumukuru wedunhu reMafia, ratumirwa kuna Prime Minister, richiti vawana mitumbi ingasvika gumi nemitatu," akadaro Saidi Nguba, mutauriri wemutungamiri weTanzania, achiwedzera kuti ndege yakaparara yakawanikwa.
"Zvinosimbiswa, maererano nemishumo iyi, kuti aya asara endege," akaudza Reuters.
Mapurisa eTanzania akati neChipiri pakange paine mishumo yemimwe mitumbi yaigezeswa pachitsuwa cheMafia pamhenderekedzo yekumabvazuva kweAfrica, kuchamhembe kwakadziva kumadokero kwenzvimbo yetsaona.
Mumwe chete akapona pavanhu zana nemakumi mashanu nevatatu vari muchikepe ndiye awanikwa.
Mukuru wedunhu reMafia, VaManzie Mangochei, vakaudza nhepfenyuro nenhare mitumbi iyi yakawanikwa ichiyangarara munzvimbo dzakasiyana siyana pachitsuwa ichi. Vati mitumbi yakatanga kuoneka nemusi weMuvhuro asi mvura ine mapfumo pasi yakaita kuti zvitadze kuitora.
Vati panhepfenyuro yehurumende yeTanzania Broadcasting Corporation kuti zvinenge zvigaro zvendege zvawanikwa uye vari kuedza kuona kuti zvimwe zvakasara zviri mubapiro here.
Mapoka evanonunura vaona chiratidzo kubva kune zvinorekodha ndege asi vanoti zvinogona kutora nguva kuti vasvike pakaparara sezvo iri mumvura yakadzika.
Mukuru wemauto eComoran, Colonel Ismael Moegni Daho, vati vatumirwa mashoko ezvakawanikwa neTanzania uye vari kutumira chikwata chevaongorori venzvimbo iyi pamwe nenyanzvi dzezvendege kuMafia mambakwedza neChitatu.
